Шаулай урман, шаулай урман елдәр иҫкәндә.
Һағындыра бала сағым иҫкә төшкәндә.
Һағындыра ауылымдың соҡор-саҡыр урамдары,
Әллә шунда уйнап үҫкәнгә.
Һағындыра ауылымдың ҡырҙары һәм болондары,
Әллә шунда уйнап үҫкәнгә.
Шаулай урман, шаулай урман елдәр иҫкәндә.
Һағындыра туған яҡтар иҫкә төшкәндә.
Һағынам мин өләсәйҙең ямап биргән ыштандарын,
Әллә шуны кейеп үҫкәнгә.
Һағынам мин әсәйемдең бызырлатып ҡойған балын,
Әллә шуны урлап эскәнгә.
Шаулай урман, шаулай урман елдәр иҫкәндә.
Һағынам мин ауылымды иҫкә төшкәндә.
Һағынам мин атайымдың шартлап торған ҡайыштарын,
Әллә шуны тәтеп үҫкәнгә.
Һағынам мин олатайҙың "Яптваймать!" тип әрләгәнен,
Әллә шуны ишетеп үҫкәнгә.
Шаулай урман, шаулай урман елдәр иҫкәндә.
Һағындыра туған яғым иҫкә төшкәндә.
Һағындыра ауылымдың сылтрап аҡҡан шишмәләре,
Әллә шуны эсеп үҫкәнгә.
Һағынам мин ауылымдың соҡор-саҡыр урамдарын,
Әллә шунда уйнап үҫкәнгә.
Һағындыра ауылымдың һылыу матур ҡыҙҙары ла,
Әллә бергә күңел асҡанға.
Әллә шунда уйнап үҫкәнгә...
Әллә бергә күңел асҡанға...
Вконтакте
