Тәүге тапҡыр һинән сәскә алдым,
Тап шул килеш ҡалдың хәтерҙә.
Ялан сәскәләрен күргән һайын
Иҫкә төшәһең һин хәҙер ҙә. (2 раза)
Һиңә тиклем башҡа берәү таңдан
Миңә гөлдәр бүләк итмәне.
Һәр йыл һайын тыуған көнөм етһә,
Миңә шул гөл, шул гөл етмәне.(2 раза)
Гөлләмәләр була ҡосаҡ-ҡосаҡ,
Дуҫтар ҙа күп төрлө йәштәге,
Барыһы бар, тик һин генә юҡһың,
Юҡтағылай ялан сәскәһе. (2 раза)
Тәүге күкрәү булып килдең дә һин,
Алып киттең бәхет күгенә.
Яҙғы бер йыр булып, бер моң булып,
Ләйсән булып ҡалдың күңелемдә... (2 раза)
Вконтакте
