Баштарыма кейгән түбәтәйҙең
Һикһән һигеҙ икән өлгөһө,
Килгәндәрҙән бирле ҡарап торам,
Һеҙ икәнһеҙ донъя көҙгөһө.
Ҡушымта (2 тапҡыр):
Беҙҙең ил – уйнар көлөр ерҙәр,
Беҙҙең ил – һандуғас һайрар ил.
Алма баҡсаларына һай керһәм,
Матур ҡыҙҙар алма йыялыр,
Йөҙҙәрегеҙ яҡты, һүҙегеҙ татлы,
Күңелдәрем һеҙҙе һөйәлер.
Ҡушымта (2 тапҡыр):
Беҙҙең ил – уйнар көлөр ерҙәр,
Беҙҙең ил – һандуғас һайрар ил.
