Урал Ибатуллин - Ҡояшым.
1.
Серле йондоҙло төнөндә һине генә уйлап
Яңғыҙ йөрәккәйем моңһоулана.
Ҡайҙа һуң һин нурлы айым? Һин һиҙмәйһең ниңә?
Йөрәгемдә һиңә һөйөү уты яна.
Ҡуш.-та:
Нурлы ҡояшым, йондоҙом һин айым мөхәббәтем
Һинһеҙ был донъяла йәшәй алмам.
Ҡайҙа ғ(ы)на йөрөһәмдә тик һин генә уйҙарымда
Тик һин генә минең мөхәббәтем.
2.
Ҡояшҡайым тау артынан саҡ-саҡ сығып килә
Үҙ нурҙарын һибеп һиңә генә.
Уйҙарымдан һаман сыҡмай серле ҡараштарың
Һинең наҙлы миңә йылмайыуың.
3.
Һине һөйәм, һине көтәм, һине мин һағынам
Йөрәгемә яҡҡан утта янам.
Һис ҡасанда һылыуҡайым һине онота алмам
Һине генә һине мин яратам.
Вконтакте
