Аҡ ҡарҙарға эҙҙәр һалдыҡ, өр-яңы эҙҙәр!
Ҡарҙар менән яңырһын тип өмөт, хыялдар.
Аҡлыҡ, сафлыҡта тирбәлһен ысын мөхәббәт хисе,
Бергә-бергә ҡаршылайыҡ Яңы йыл кисен!
Ҡушымта
Эх, тылсымлы Яңы йылым, ал минән теләк,
Йөрәктәргә мөхәббәт һал, шәп булыр бүләк!
Ҡар-ынйы-бәхет тамсылар йылы ҡулдарға!
Һөйөп йәшәү - илһам нурын һип күңелдәргә!
Ҡыштың ҡатылыҡтарынан тынһын уттар ҙа,
Көрттәргә ҡаҙалып ҡалһын ғәрсел уҡтар ҙа,
Донъялар ҡуласаһына тейәп ап-аҡ бәхеттәр,
Йәшәйек ҡарҙар наҙында тик мөхәббәттә!
Аҡ ҡыштарым, тултыр ҡарҙар, өйрөлт бурандар,
Ҡалдырма йәш йөрәктәргә саң һәм туҙандар.
Терелһендәр тылсымдарҙан йәрһеҙ, йәнһеҙ һындар ҙа,
Мөхәббәтлеләр атлаһын ап-аҡ юлдарҙан!
Вконтакте
