Йәшел генә сана, зыңғыр дуға
Ектерһәнә, Фатимам, тур(ы) атҡа.
Эй-й... Атайсалға ҡайтып торор ҙа булһам,
Ирешер инем, Фатимам, моратҡа.
Һандуғастар һайрар, ай, ер түгел,
Һайраһа ла туғайы киң түгел.
Эй-й... илама ла, Фатимам, илама,
Югереп атлап етер ҙә ер түгел.
Ебәк кенә баулы күк ҡарсыға
Талпына ла микән, ҡош күреп,
Эй-й... киң түшәккәйҙәрен тарҙар йәйеп,
Көтә микән Фатимам, төш күреп.
(Икенсе вариант)
Йәшел генә сана, зыңғыр дуға,
Ектерһәнә, Фатимам, тур(ы) атҡа.
Тыуғае яҡтарыма ҡайтып торор ҙа булһам,
Ирешер инем, Фатимам, моратҡа.
Иртән генә тороп, бер ҡараһам,
Ҡырҡты менән Өрпәк күренә.
Ерһенмәйем, Фатимам, сит ерҙәрҙе,
Зарураттан күркәм күренә.
Ебәк кенә баулы күк ҡарсыға
Талпына ла микән, ҡош күреп.
Йөҙ илле лә керпек күҙен йомоп,
Көтә микән Фатимам, төш күреп.
