1. Йырлап ҡайтып киләм борма юлдан,
Мең тауышлы көйөн көйләй урман.
Йәшел аландағы хәтфә юрған,
Сабый сағым әллә шунда ҡалған?
Припев:
Эй, урман, урман, йәйге урман!
Йүгереп үтер инем юлыңдан.
Ҡаршы сыҡҡан сабый сағым
Ошо урман буйынан.
2. Йырлап ҡайтып киләм борма юлдан,
Тирә-яғым гөлдәр менән тулған.
Ағас һайын һайрар ҡошсоҡ ҡунған,
Әллә кемде һағына кеүек урман.
Припев:
Эй, урман, урман, йәйге урман!
Кемдәр яуға киткән был юлдан?
Яуҙан ҡайтмай ҡалғандарҙы
Һағына ахыры ул урман.
(Ғ. Сәйфуллин муз., Г. Зәйнәшева һүҙ.)
