Килгәндәр ти егеттәр оҙон алыҫ юлдарҙан
Йыйылған ти егеттәр тирә-яҡ ауылдарҙан
Ҙур ҡаланың бер йортона һылыу ҡулын һорарға
Шунда йәшәгән бер байҙың ҡыҙының ҡулын һорарға
Атына менеп бер егет ҡысҡыра ти урамдан
Әгәр миңә сығам тиһәң, бейеп төш ти артымдан
Яуап биргән ҡыҙ егеткә мин һинеке була алмам
Лексус менән йөрөгәс тә атҡа менеп ултырмам
Тағы сыҡҡан бер батыр, бәке тотҡан ҡулына
Һине яҡлап йөрөрмөн ти, тик минеке бул ғына
Яңғыраған көлөү тауышы ҡыҙ йәшәгән яҡтарҙан
Телохранительдарым бар дошмандарҙан һаҡларға
Бер саҡ ҡыҙҙың күҙҙәренән йәштәр ағып киткән ти
Ҡасан кейәүгә сығам тип илар хәлгә еткән ти
Шул саҡ һылыуҙың алдына бер егет килеп еткән
Алты ҡыллы ҡоралында оҫта уйнап ебәргән
Егет сирткән ҡылдарын, йәлләмәй ҙә ҡулдарын
Көйгә һалған уйҙарын, ҡыҙға әйтер һүҙҙәрен
Һылыуҡайҙың күңелдәре һандуғастай һайраған
Шулай егет бер һүҙ әйтмәй ҡыҙ йөрәген яулаған
Вконтакте
