1 КУПЛЕТ
Меңләп фекерҙәр көн һайын мине баҫтыра,
Һәр бер кеше үҙенекен аңлатырға тырыша.
Күңел асырға бер кемдән дә оялма;
Буш урындар күп, әйҙә ултыр, дуҫым, яныма.
Һәр бер нәмәгә ҡыуанып беҙ онотолдоҡ,
Бәхет ҡошон тырыштыҡ, ләкин тота алманыҡ.
"Башҡорт" тип күкрәк һуғыуҙар беҙҙе ялҡытты,
Бергәләп яңы юлдар табырға ваҡыт етте.
ПРИПЕВ (X2):
Барыбер кем нимә әйтә:
Юлыңды күңел күрһәтә.
Бергәләп дуҫтарым, ғаиләм;
Барам мин донъя яуларға.
2 КУПЛЕТ
Һәр заманда ла булыр өр яңы талаптар,
Уратҡандар һәр ваҡыт нимәлер һинән һорар.
Еңеп сығырһың, һин бүлмәһәң ихтибар,
Шул саҡта бөтән ерҙән һинең һүҙең яңғырар.
Юғары һүҙҙәрҙе һөйләү заманы үтте,
Кескәй аҙымдар эшләү ваҡыты инде етте.
Һинең сәйәсәтте йәштәр бәлки һайламаҫ,
Күптәр һинең һайлаған юлыңды аңламаҫ.
ПРИПЕВ (X4):
Барыбер кем нимә әйтә:
Юлыңды күңел күрһәтә.
Бергәләп дуҫтарым, ғаиләм;
Барам мин донъя яуларға.
Вконтакте
