Иҙел Нурғәлин көйө
Фирүзә Адбуллина шиғыры
Беҙ бит бер ҡарында яралғанбыҙ,
Ата-әсә наҙын күргәнбеҙ,
Бер икмәкте бүлеп ашағанбыҙ,
Бергә илап, бергә көлгәнбеҙ.
Бер туғандар бит беҙ,
Бер оянан!
Бер-бер артлы осоп сыҡҡанбыҙ,
Ҡайғыларҙы бергә уртаҡлашып,
Шатлыҡтарҙы бергә тойғанбыҙ.
Бер туғаның өсөн йән атыуҙы
Кәмһенеү тип уйлай ҡайһылар.
Юғалтмайыҡ, зинһар, туғандарҙы,
Бынан да ҙур ниндәй ҡайғы бар?!
Бер туғандар бит беҙ,
Бер оянан!
Бер-бер артлы осоп сыҡҡанбыҙ,
Ҡайғыларҙы бергә уртаҡлашып,
Шатлыҡтарҙы бергә тойғанбыҙ.
Бөтәһе лә уртаҡ ине лә бит…
Нимә булды, апай-ағайҙар?
Һәр берегеҙ хәҙер үҙен генә
Башҡаларҙан өҫтөн һанайҙар…
Хоҙай беҙҙе бергә булһын өсөн
Бер туғандар итеп яратҡан.
Мин яратам һеҙҙе, туғандарым!
Ниндәй булһағыҙ ҙа яратам!
Бер туғандар бит беҙ,
Бер оянан!
Бер-бер артлы осоп сыҡҡанбыҙ,
Ҡайғыларҙы бергә уртаҡлашып,
Шатлыҡтарҙы бергә тойғанбыҙ.
Ни булһа ла, бит беҙ, бер туғанбыҙ!
Вконтакте
