Ҡоштар ҡайтты, һөйөү килде,
Ғүмерем яҙын алҡышланы.
Көләс йәшлек иртәһендә,
Һаумыһығыҙ, шатлыҡтарым.
Припев:
Яҡты нурҙай балҡыным мин,
Түбәм күккә тейҙе инде.
Был яныуҙар — үҙе бәхет,
Иркәләүен тойҙом инде. (2 раза)
Яҙҙар етте, һөйөү килде,
Наҙҙарымды нағышланы.
Мөхәббәтем кистәрендә,
Һаумыһығыҙ, һағыштарым.
Уйҙарымдан уйылам мин
Яңғыҙ ҡалған сәғәттәрҙә.
Был һағыштар — үҙе бәхет,
Көтөүҙәргә сәбәп барҙа.
Ҡоштар китте, һөйөү үтмәй,
Һиҙәм ҡанат ҡағыштарын.
Мөхәббәтем кистәрендә,
Һаумыһығыҙ, яныуҙарым.
Япраҡтарҙай һарғайһам да,
Ашыҡмағыҙ ҡыҙғанырға.
Был яныуҙар — үҙе бәхет,
Күмеләмен наҙҙарына. (2 раза)
Вконтакте
