Йүрүҙән
Тауҙар-таштар яры боролоп-боролоп
Йүрүҙәнкәй, бик шәп ағаһың
Көслө ғәйрәт менән тулҡыныңды
Бейек ярҙарыңа ҡағаһың
Йүрүҙән, Йүрүҙән,
Күпте күргән, күпте кисергән
Йүрүҙән, Йүрүҙән,
Күпте күргән, күпте кисергән
Йүрүҙәнкәй беҙҙең данлы йылға
Күпте күргән, күпте кисергән
Унда батыр йырсы Салауат та
Аҡбуҙатын төшөрөп эсергән
Йүрүҙән, Йүрүҙән,
Күпте күргән, күпте кисергән
Йүрүҙән, Йүрүҙән,
Күпте күргән, күпте кисергән
Һоҡланған ул ҡарап Йүрүҙәнгә
Ҡарап-ҡарап уға туймаған
Туғайынан ҡурай өҙөп алып
Өҙөлөп-өҙөлөп уны уйнаған
Йүрүҙән, Йүрүҙән,
Күпте күргән, күпте кисергән
Йүрүҙән, Йүрүҙән,
Күпте күргән, күпте кисергән.
Вконтакте
