Премьера песни: 2020-04-02
Текст песни:
Тормош матур - тамаша,
Хатта күҙҙәр ҡамаша.
Юлыбыҙ Инйәр аша,
Барабыҙ тауҙар аша,
Үтәбеҙ йылға аша,
Уҙабыҙ күпер аша,
Инйәрҙә туҡтап аша.
Әйҙә, ултыр, аш аша.
Ошо ерҙә осраша,
Дуҫтар, ҡоҙа-ҡоҙаса.
Сәйҙән һуң йоҡо ҡаса,
Күрешеү күңел аса.
Кемдәлер кәләш алыш,
Кемдер тейәгән арыш,
Бәғзеләрҙә бер ярыш -
Гастролгә китеп барыш.
Әртистәрҙең күплеге:
Бында Элвин, Иҙеле,
Фирҙүс, Әнүәр, Гүзәле -
Йөҙ булмаһа ла, илле.
Бында ҡалҡан, уҡ һәм ян -
Сәғиҙулла һәм мин, Ян.
Ош(о)ноң кеү(е)к килде-китте
Йырҙар йырлап та ҡуям.
Йырлайым ҡыйыш-мыйыш,
Бейейем тайыш-тойош,
Кейем - алама-ҡолош,
Ҡарама салыш-солош.
Һин дә бейергә тейеш,
Әйҙә әле уртаға төш,
Байрамға индер өлөш,
Кәрәкмәй алтын-көмөш.
Ишетелә бер тауыш:
Тгыдыш-тындыш тыктындыш,
Тгыдыш-тындыш тыктындыш...
Ул тауыш һиңә таныш:
Тгыдыш-тындыш тыктындыш,
Тгыдыш-тындыш тыктындыш...
Ишетелә бер тауыш.
Ҡыҙҙар матур - тамаша,
Хатта күҙҙәр ҡамаша.
Ғашиҡ йөрәктәр шаша,
Күңелдә хистәр таша.
Мөхәббәтеңде һаҡла,
Атландыра ул атҡа,
Аҡылды юя хатта -
Йырҙарыбыҙ шул хаҡта.
Кәрәкмәй булыу батша,
Әйтмәйҙер халыҡ бушҡа:
Һөйгән менән ҡауышҡан,
Бәхет тапҡан ҡыуышта.
Юлдар һәм йырҙар әйҙәй,
Шулай үтә ҡыш-йәйҙәр.
Ҡуҙғалабыҙ Инйәрҙән,
Көтә йәрҙәр-әсәйҙәр.
Ошо йырҙы ҡуй әле,
Китмәһен тормош йәме.
Ауыҙҙа бёрндың тәме
Иремәҫ тимә йәне.
Һораулы ҡараш тоям:
Башҡортса йырлаймы Ян?
Булһам да әҙерәк пан,
Ырыуым минең Тамъян.
Йырлайым ҡыйыш-мыйыш,
Бейейем тайыш-тойош,
Кейем - алама-ҡолош,
Ҡарама салыш-солош.
Һин дә бейергә тейеш,
Әйҙә әле уртаға төш,
Байрамға индер өлөш,
Кәрәкмәй алтын-көмөш.
Ишетелә бер тауыш:
Тгыдыш-тындыш тыктындыш,
Тгыдыш-тындыш тыктындыш...
Был йыр һиңә лә таныш:
Тгыдыш-тындыш тыктындыш,
Тгыдыш-тындыш тыктындыш...
Ишетелә бер тауыш.
Другие песни исполнителя:
-
-
1. Һауаларҙа, бейектәрҙә
Кейек ҡаҙ тауыштары.
Шатлыҡ менән тулды бөгөн
Күңелем һауыттары.
2. Көтмәгәнде килтерер тип,
Яҙҙы көтмәгән инем.
Былай уҡ ҡабынырмын тип,
Өмөт итмәгән инем.
Ҡушымта:
Нимә булды? Сайпылам бит
Яҙа баҫһам аҙ ғына.
Яңы бәхет килдеме? Юҡ,
Бары килде яҙ ғына...
-
1. Ҡояш көлә, нур hибелә -
Йәй алға ғына атлай.
Күңел йырлай, тынғы тапмай,
Моң hалып hандуғастай.
Ҡушымта:
Йәй, йәй, йәмле йәй,
Күңелдә йәй, йырлы йәй,
Йөрәк hөйгәнен эҙләй.
Йәй, йәй, йәмле йәй,
Күңелдә йәй, йырлы йәй,
Ҡараш ҡыҙҙарҙы күҙләй.
2. Уйындарҙа дәртле йырҙар,
Бейейҙәр барса йәштәр.
Таңға ҡәҙәр моңло йырҙар,
Ҡосаҡта hөйгән йәрҙәр.
3. Йәй миҙгеле hөйөү мәле -
Йөрәктәрҙә наҙ ғына.
Тик төн ҡысҡа, ваҡыт уҙа,
Һиҙелмәй аҙға ғына.
-
1. Бер күреүҙә йән ирене наҙҙарыңдан,
Йәшерә алмай серемде күҙ ҡарашым.
Йән тетрәтеп яндарымдан үтеп киттең,
Матур гөлөм, буй етмәҫ гөл һин генәһең.
Ҡушымта:
Матур гөлөм, ай,
Ҡыҙыҡтырҙың, ай,
Наҙлы гөлөм, ай-ай,
Хыялым һин, ай.
2. Һөйләйем тиһәм һүҙемде әйтә алмайым,
Йыуатмайһың, йәлләмәйһең - йән теләһең.
Мөхәббәттең баҡсаһынан емеш йыйҙым,
Мин эҙләгән матур гөл һин генәһең.
3. Ғазабына сыҙай алмам - тоҙ һалаһың,
Йәнгенәмә борсолоуҙан ут ҡабырҙай.
Ҡайнар йөрәгем көтә һине, гөлөм,
Түҙә алмайым, йәнем, һине һағынмай.
-
1. Ябай һалдат альбомында
Бер рәсем әсир итте
Дуҫым серле йылмайып,
Минең һеңлем, яҡташ, тине.
Бер күреүҙә ғашиҡ булдым
Эй, һылыу ҡыҙ, мин һиңә.
Танышыу хаты ебәрҙем,
Яуап яҙҙың һин миңә.
Ҡушымта:
Уралтауҙың башында,
Матур сәскә үҫәлер.
Һалдатҡайым, тиҙерәк ҡайт тип,
Бәғеркәйем көтәлер.
2. Хат бәйләне арабыҙҙы,
Ғашиҡ йөрәк шатланды.
Күңелемде һин биләнең,
Мөхәббәт ҡанатланды.
Алыҫ ерҙә, сит тарафта,
Саф һөйөү килде миңә.
Мин ҡайтырмын, яндарыңа,
Йәнкиҫәгем, көт кенә.
Бер күреүҙә ғашиҡ булдым
Эй, һылыу ҡыҙ, мин һиңә.
Танышыу хаты ебәрҙем,
Яуап яҙҙың һин миңә.
Вконтакте
