Илама һөйгәнем, моңайма сибәрем
Минең дә йөрәгем яна
Тиҙ ҡайтырмын урап, осрашырбыҙ ҡабат
Йыраҡ түгел беҙҙең ара.
Һағынырмын тип моңайып ҡалдың
Күҙҙәрең йәшле буялып
Яғымлы йөҙөң уйылып ҡалды
Күңел түремә һыйынып.
Һинән башҡа минең бәләкәйем
Өҙгөләнә шул һағыштан
Түгелергә тора мөлдөрәмә
Күңелемдә моң тулышҡан.
Илама һөйгәнем, моңайма сибәрем
Минең дә йөрәгем яна
Тиҙ ҡайтырмын урап, осрашырбыҙ ҡабат
Йыраҡ түгел беҙҙең ара.
Тура килде шул яңғыҙ ҡалдырып
Килмәһә лә бит китәһе
Беләм инде күҙҙәрең талдырып
Ҡайтыуымды һин көтәһең.
Һин уйымда минең, һин йәнемдә
Ҡайҙа ғына йөрөһәм дә
Кәрәк түгел миңә бүтән йәрҙәр
Юлдарыма һибелһә лә.
Вконтакте
