Тәмле һыу, тәмле һауа,
Көмөш ямғырҙар яуа.
Бейек тау, йомшаҡ тупраҡ,
Урманы өҫкә ауа.
Күбәләк сәскәләр ҙә,
Еләкле сәхрәләр ҙә
Ем-ем, ем-ем йырлайҙар,
Ҡыуаныс сәсәләр.
Ҡушымта:
Был минең тыуған ерем,
Был минең тыуған илем.
Бәхетле мин ошонда,
Ҙураям, алам белем.
Тоям батыр тауышын,
Яулы тарих һағышын.
Бөркөттәр сыңлағанын,
Ҡурайҙың йырлағанын.
Сабыйҙың ихласлығын,
Ҡунаҡтың алсаҡлығын,
Оҫта ҡуллы сәсәнйән
Бар донъяға сәсә йән
Ҡушымта.
Был минең тыуған ерем,
Был минең тыуған илем.
Бәхетле мин ошонда,
Ҙураям, алам белем.
Вконтакте
