Яҙ һайын ҡоштар ҡайта,
Муйыл да аҡ сәскәһен ата.
Тәбиғәт пышылдай:
"Ул да һине эҙләй, ул ярата".
Яҙ етһә, хистәрен тыя алмай,
Йылғалар ярҙарынан таша.
Ашҡын һыу ҙа ярһый,
Ярһый әйткән һымак "ул ярата".
припев:
Ҡайҙа һин, һөйгәнем?
Төндә төштәремә керәһең.
Үҙемде белмәйем,
Күҙҙәремдә килә күрәһе.
Ҡайҙа һин, һөйгәнем?
Минең һөйөүемде беләһең.
Йәшермә хистәрен
Уйҙарыңды килә беләһем.
Яҙғы тәүге йылы елдәре
Сәстәремдән иркәләп үтә.
Ләйсән ямғыр шыбыр-шыбыр әйтә миңә
"Ул ярата".
Яҙҙар алып килгән мөхәббәт
Ысын булырына ышанамын.
Йөрәк ярһып тибә: "мин дә һине һөйәм,
Мин яратам".
припев:
Ҡайҙа һин, һөйгәнем?
Төндә төштәремә керәһең.
Үҙемде белмәйем,
Күҙҙәремдә килә күрәһе.
Ҡайҙа һин, һөйгәнем?
Минең һөйөүемде беләһең.
Йәшермә хистәрен
Уйҙарыңды килә беләһем.
(Ф.Килдеғолов муз., В.Камалов һүҙ.)
Вконтакте
