Нисек барһың, тик шулай бул.
Оҡшама бүтәндәргә.
Теләгәндә иркәләп ал,
Әрләгең килһә әрлә.
Һағынғанда, һағындым тип,
Һырыл муйындарыма.
Донъяларыңды онотоп,
Ял ит ҡуйындарымда.
Шатланғанда шарҡылдап көл
Хәсрәтең булһа, ҡайғыр.
Үҙең янһаң, һин мине лә
Ялҡының менән яндыр.
Нисек барһың, тик шулай бул.
Ҡыланма, ҡыландырма.
Төҙ юлда ла борғолана
Бары тик йылан ғына.
Һағынғанда һағындым тип
Һырыл муйындарыма.
Донъяларыңды онотоп
Ял ит ҡуйындарымда.
Шатланғанда шарҡылдап көл
Хәсрәтең булһа ҡайғыр.
Үҙең янһаң, һин мине лә
Ялҡының менән яндыр.
