Мауҙҙы ла күле, ай, Яҡтыкүл
Таһир Күсимов тыуған ер бит ул.
Туғыҙ йәшлек булған, етем ҡалған,
Ситтә йөрөп үҫкән ир бит ул.
Мауыҙҙы ла күле, ай, тәрән күл,
Таһир Күсимов йөҙгән күл бит ул.
Сит ерҙәрҙә йөрөп хеҙмәт иткән,
Таһир Күсимов хәрби ир бит ул.
Күпме һуғыш үткән яу далаһы
Атлы башҡорттар үткән ер бит ул.
Днепрҙың уң яҡ ярын алған
Таһир Күсимов полководец ир бит ул.
Атлы башҡорттарын оҙатып ҡалған
Күгәреп кена ятҡан киң Урал.
Ватан һуғышында ҙур дан алған
Таһир Күсимов герой-генерал.
