Ҡулда гармун, иңдә йәшлек,
Тирә яҡҡа моң сәсәм.
Хистәремде моңға төрөп
Йырҙарымды өләшәм.
Ҡушымта:
Тамашасым ҡулын саба,
Йырҙарымды ярата.
Йөрәктәр менән йөрәктәр -
Араһында йыр ята.
Алҡыштарҙан баш әйләнә,
Моңдар йырға бәйләнә.
Йырлы-моңло тормош көтһәң
Бөтә донъя йәмләнә.
Ҡушымта
Тамашасыма бүләккә
Гармунымда моң үрәм.
Бик күңелле икән йәшәү
Юлдаш булһам йыр менән.
Ҡушымта
Вконтакте
