Әсә көтә улын.
Инде күпме йылдар көтә, керпек ҡаҡмайса.
Күпме тапҡыр яҙа хаттар,
яуап алмайса.
Өмөттәр, доғалар тынысландырмайҙар,
Әсәнең йөрәге һағыштан илайҙыр.
Әсә көтә ғәзиз улын,
Күпме йылдар буйы.
Көтә...һаман өмөт итә.
Әсә көтә ғәзиз улын,
Көтә... көтә...көтә...
Нисә быуат, нисә йылдар
Тынмай һуғыштар.
Ҡабат - ҡабат ишетелә
Ҡанлы алыштар.
Афғандан, Чечнянан ғәйепһеҙ ҡорбандар.
Офицер, һалдаттар
Әйләнеп ҡайттылар табутта.
Әсә көтә ғәзиз улын,
Күпме йылдар буйы.
Көтә...һаман өмөт итә.
Әсә көтә ғәзиз улын,
Күпме йылдар буйы.
Көтә... көтә... көтә...
Күҙ йәштәре, өҙөлгән яҙмыштар,
Етем(йәтим) ҡалған балалар, тол ҡатындар.
Әсә көтә ғәзиз улын,
Көтә... көтә... көтә... көтә... көтә...
Инде күпме йылдар көтә...
Ҡайтыр, тиеп өмөт итә.
Һаман әсә хаттар яҙа,
Уңалмаҫтай тәрән яра.
Булмаһын ғазаптар! Булмаһын ҡорбандар!
Булмаһын, булмаһын
Бер ҡасан һуғыштар!!!
Вконтакте
