Роза Сәхәүетдинова көйө
Гөлфиә Юнысова һүҙҙәре
Килде көткән яҙҙар,
Күңел тулы наҙҙар,
Киң яландар гөлгә күмелә.
Үткәндәрҙе уйлап,
Бер аҙ яман һулап,
Килдем әле аҡҡош күленә.
Аҡҡош күле тоноҡ,
Тирә яғы тымыҡ,
Сер һөйләшә зифа ҡамыштар.
Һискенә лә тыңмай,
Ҡолағымда сыңлай,
Таныш моңдар, таныш тауыштар.
Бәлки килерһең тип,
Килсәң күрерһең тип,
Яр башында усаҡ ҡабыҙҙың.
Пар аҡҡоштар һыуҙа,
Ғорур йөҙөп уҙа,
Ә, мин ярҙа япа — яңғыҙым.
