Был донъялар парлылар өсөнмө,
Ниҡ бәхетһеҙ була яңғыҙҙар?
Ауыр һүҙҙәр әйтеп рәнйетмәгеҙ,
Уларҙа ла хисле йөрәк бар.
Ҡушымта:
Яңлышмағыҙ, зинһар, яңлышмағыҙ,
Йәрҙәрегеҙ ятҡа ҡалмаһын!
Ғәфү итсе мине – “Ғәфү ит!” - тип,
Үкенерлек генә булмаһын!
Иҫкә төшә бергә булған саҡтар,
Күҙҙәреңдән йәштәр тамалар.
Ергә ятып үкһеп илаһам да,
Йыраҡ инде хәҙер аралар.
Ҡушымта
Йылдар үтеү менән яралар ҙа
Уңала ул тигән булалар.
Төндәр буйы йоҡлай алмам ятам,
Һинең хаҡта һаман уйланам.
Ҡушымта
Вконтакте
