Текст песни:
Көнөн төнөн бер туҡтамай башҡорт сәй эсә!
Сәй эстем бөгөн әлбиттә, сәй эстем кисә.
Ҡан йүгерә бит тиҙерәк - беҙгә шул кәрәк!
Сәй эсмәгән башҡорт бармы? Йә, төртөп күрһәт!
Мәтрүшкәне генә һалып, бесәндән арып
Сәй эсергә ултырғанда - донъяң торһон ары!
Йә, оялып торма дуҫым, торма ҡыҙарып
Сәй эсергә әйҙә ултыр, ашап ултыр барын!
Сәй эсә әсәй атай ҙа, бесәй ҙә эсә!
Төнө буйы, ҡайҙа булдым тейһеңме кисә?
Дуҫтар менән йыйылышып, ҡыҙҙар менән шашып!
Таңға тиклем сәй эскайнек - эсебеҙ ташып!
Ауырта икән башың, тамаҡҡа үтмәй ашың?
Йыйырып ятма ҡашың - минең яныма ашыҡ!
Һиңә кәрәкмәҫ ҡашыҡ, тотоп кил миңә кәсә
Иртәнсәктән кискәсә - көнө-төнө сәй эсәм!
Припев:
Сәй сәй - мин сәй эсәм!
Сәй сәй - һин сәй эсәң!
Сәй сәй - ул сәй эсә!
Башҡорт сәй эсә, ба-ба-башҡорт сәй эсә!
Миңә кофе кәрәкмәй - зыян бит ул йөрәккә!
Көнө-төнө сәй эскәнгә - көслө минең беләктәр!
Самауырым, сәйнүгем - өҫтәлем тулы минең!
Сынаяғым сәүәтәм - кәрәкмәй бер ни бүтән!
Урамға сығам кисен, биш сынаяҡ сәй эсеп!
Әсәй аптырай нисек - шартламай минең эсем!
Һорамағыҙ, мин нисек шундай оҫта бейеүсе
Серемде бирәм сисеп - быға сәйем ғәйепсе!
Сит илдәрҙә күп йөрөнөм, күрҙем бик куп урындар
Беҙҙең кеүек көнө-төнө сәй эскәндәр юҡ унда!
Ҡырын төшөп диванда, йәки эшең булғанда
Ҡайҙа ғына булһаң да - сәйең булһын ҡулыңда!
Сәй эсергә яратһаң - ятыр йырым күңелеңә
Дуҫтарыңа ла тыңлат, тыңлама үҙең генә!
Бергәләшеп һелкенеп ошо йырға - сәй эсәйек
Сәй эсә әсәй атайым, хатта эсә бесәйем!
Другие песни исполнителя:
Вконтакте
