Һағынғанда аҡҡан һыуға ҡара,
Һыуҙар булып шаулап мин ағам.
Ярҙарыңа тулҡын ҡаға тимәм,
Йөрәгеңә килеп мин ҡағам. (х2)
Һағынғанда болоттарға ҡара,
Ҡара болот булып мин ағам.
Шыбыр-шыбыр ямғыр яуа тимәм,
Күҙ йәштәре булып мин тамам. (х2)
Һағынғанда яуған ҡарға ҡара,
Аҡ бурандар булып мин яуам.
Аҡ бурандар аҙаштыра тимәм,
Һине аҙаштырған мин һаман. (х2)
Ярҙарыңа тулҡын ҡаға тимәм,
Йөрәгеңә килеп мин ҡағам.
Шыбыр-шыбыр ямғыр яуа тимәм,
Күҙ йәштәре булып мин тамам.
