Татарский переводчик Казахский переводчик Русские песни

Песня «Мөхәббәт хистәре»
исполнителя Фарит Бикбулатов.
Скачать или слушать онлайн

00:00/00:00

Текст песни:

Йәшел хәтфә болондарҙа
Эҙләнем эҙҙәреңде.
Ҡоштар миңә ҡабатлайҙар
Мөхәббәт һүҙҙәреңде.

Гөлдәремә ҡарағансы,
Күҙ нурын ҡалдырһаңсы.
Яндырғансы ғәйбәттәрҙе,
Ғүмерҙе яндырғансы.

Аҡҡоштарҙың ҡанат еле
Ишелә сәстәремә.
Миңә һалҡын булсы ялҡын
Мөхәббәт хистәремә.

Ҡоштар миңә ҡабатлайҙар
Мөхәббәт һүҙҙәреңде.
Миңә һалҡын булсы ялҡын
Мөхәббәт хистәремә.

(Ф. Әбдрәшитов муз., У. Кинйәбулатов һүҙ)

Другие песни исполнителя:

  • Ағыла ла болот ағыла Тауҙар аша ауылым яғына. Тәҙрәгә сиртер ҙә ямғыр Нимә әйтер туғандарыма?! Ағыла ла болот ағыла Тыуған-үҫкән ерҙәр яғына. Тәҙрәгә сиртер ҙә ямғыр Нимә әйтер туғандарыма?! Ни тип әйтһен: берни белмәй ул, Хәбәре юҡ минең йөрәктән. Мине бары сылатып үтте Аҡ ҡайындар менән беррәттән… Ағыла ла болот ағыла Тыуған-үҫкән ерҙәр яғына. Тәҙрәгә сиртер ҙә ямғыр Нимә әйтер туғандарыма?!
  • Эх, ҡысҡырып бер иларға ине Әсәйемдең ятып ҡулына. Ул йөрәге менән аңлар ине Ниндәй ҡайғы төшкән улына. Припев Әсәкәйем минең, берҙән-берем, Алтындарҙан алтын әсәйем. Ниңә шундай хисле йөрәк бирҙең, Моң-һағыштарымдан сәсәйем? Илап булмай йылға ташы һымаҡ, Юшҡындарҙан күңелем ҡатҡанға. Йыйына алмай оҙон уйҙарымды, Уяу ятам таңдар атҡанда. Припев Әсәкәйем минең, берҙән-берем, Алтындарҙан алтын әсәйем. Ниңә шундай хисле йөрәк бирҙең, Моң-һағыштарымдан сәсәйем? Йөрәк тырнап сыҡҡан хистәремде, Ҡайғыларын кемгә һөйләйем? Тамырҙарға ҡаным һыймағанда, Ниндәй көйҙө икән көйләйем? Припев Әсәкәйем минең, берҙән-берем, Алтындарҙан алтын әсәйем. Ниңә шундай хисле йөрәк бирҙең, Моң-һағыштарымдан сәсәйем? (А. Ғайсин муз., Р. Йәнбәк һүҙ.)
  • "Һин яҙмышым!" — тинем, Килеп башын эйҙем, Белмәгәнмен һағыш көткәнен. Йөрәктә ут-ялҡын, Янымда юҡ яҡын, Килдең дә һин киттең, көткәнем ... Һуңлағанмын икән, Яҙмышымда бүтән, Һин бер тигән инем көткәнем. Һин хыялым минең, Берҙән-берем минең, Килдең дә һин киттең, көткәнем ... Ғүмер буйы көтөп, Күпме юлдар үтеп, Һиҙмәгәнмен йылдар үткәнен. Ярты йәнем нишләр, Табылырмы иштәр? Килдең дә һин киттең, көткәнем ...
  • Йәшлек үтте ярһыу дауыл һымаҡ. Ҡалды унда беҙҙең яҙмыштар ҙа. Тик уларға ҡарап, һүнә күрмә, Һағышланма, күңел, һағышланма. Һағышланма, күңел, һағышланма. Көҙҙәр еткәс йәшеллеген йыуа, Һары төҫкә керә ҡамыштар ҙа. Тик уларға ҡарап, моңайма һин, Һағышланма, күңел, һағышланма. Һағышланма, күңел, һағышланма. Ерҙә шундай дәртле гөрләүектәр, Һаҡланып ҡал яҙғы тауыштарға. Ғүмер үтә тиеп өҙгөләнмә, Һағышланма күңел, һағышланма. Һағышланма, күңел, һағышланма. (А. Ҡобағошов муз., Г.Рәхим һүҙ.)
  • Уҙып ҡына барған был ғүмерҙең Кире ҡайтмаҫлығын мин беләм, Ә шулай ҙа артыҡ бошонмайым Үҙ юлымдан һаман мин киләм. Әлмисаҡтан алып хәҙергәсә Фәрештәләр беҙҙе етәкләй, Имен-аман торһа был донъялар, Миңә артыҡ бер ни кәрәкмәй. Был донъяның тәмен күп татыным, Күп түләнем хаҡын йәлләмәй, Йырҙарымды һеҙгә йырлап торһам, Миңә артыҡ бер ни кәрәкмәй.