Тыуған йортом алтын һарай түгел,
Юнып һалған атай ҡулдары,
Ошо йорттоң ошо тупһаһынан,
Башландылар минең юлдарым.
Припев
Атай -әсәй йорто көнкүрештәр
Шундай ябай ,шундай яғымлы,
Ҡайтам әле ,ҡайтам яндарына,
Ҡәҙерлеләремде һағынып
Икмәк еҫе бөрккән тыуған йорттоң,
Онотолмаҫ инде йәндәре
Күңел түрҙәрендә әсәй наҙы,
Ҡолағымда атай һүҙҙәре.
Тыуған йортто зинһар онотмайыҡ,
Тыуған тупһа нурлы ҡот һалыр,
Атай әсәй доғалары беҙҙе ,
Бәлә ҡазаларҙан ҡотҡарыр.
Вконтакте
