Рәсем булһаң, һайлар инем
Рәсемдәрҙең үтә гүзәлен
Балам ҡайғы күрмәһен тип,
Күҙ йәштәрен түкмәһен тип,
Өҙмәһен тип, юҡҡа үҙәген.
Эй, һин яҙмыш,
Юҡ, моғайын, һинән уҙмыш.
Беҙ күрәһен кемдәр күрһен,
Беҙ төҙөмәй кем төҙөһөн,
Аҡ бәхетле, яҡты мул тормош.
Ҡоштар булһам, теләр инем
Тик оҡшарға бәйһеҙ аҡҡошҡа.
Йәшәү көсө булһа көслө,
Яҙғы ҡояш нуры төҫлө,
Алыр инем үҙемә яҙмышҡа.
Эй, һин яҙмыш,
Шөкөр ит һин ошо тормошҡа.
Аҡҡош көнөн кемдәр күрер,
Уға оя кемдәр үрер,
Ғашиҡ булмаһаң һин яҙмышҡа.
Йәшәү өсөн, табып көсөн
Ғашиҡ булһын кеше тормошҡа.
Үҙе тапһын, аҫыл ташын,
Үҙе тапһын, йөҙөк ҡашын,
Аҡ бәхеттәр тыумай ул бушҡа.
Эй, һин яҙмыш,
Юҡ, моғайын, һинән уҙмыш.
Беҙ күрәһен кемдәр күрһен,
Беҙ төҙөмәй кем төҙөһөн,
Аҡ бәхетле, яҡты мул тормош.
Вконтакте
