Тыуған ерҙе биҙәп, Сәрмәсән, уралып ағаһың.
Ярҙарға түгел тулҡындарың, йөрәккә ҡағаһың.
Припев
Моңһоу ҡалыр инем, Сәрмәсән,
Күрмәһәм дә һине берҡасан.
Тулҡындарың күсә күңелгә,
Йыр булып ғүмергә.
Ярҙарыңда һинең, Сәрмәсән, ҡалғандыр эҙҙәрем;
Йәшлегем үткән һуҡмаҡтарҙы тик һиндә эҙләрмен.
Припев
Моңһоу ҡалыр инем, Сәрмәсән,
Күрмәһәм дә һине берҡасан.
Тулҡындарың күсә күңелгә,
Йыр була ғүмергә.
Уйҙар һымаҡ ярһып, Сәрмәсән, ағаһың ҡайсаҡта.
Һыуһындар арта ғына кеүек, беҙ күпме ҡайтһаҡ та.
Припев
Моңһоу ҡалыр инем, Сәрмәсән,
Күрмәһәм дә һине берҡасан.
Тулҡындарың күсә күңелгә,
Йыр була ғүмергә.
(Р. Хәсәнов муз., С. Әлибай һүҙ.)
