Ҡупшыланып гөрләп сәскә атҡас,
Һин ултыртҡан һомғол алмағас,
Алмағасты ҡосаҡларҙай булып,
Йөрәгемдә һайрай һандуғас.
Хозурланып таңғы офоҡтарҙа
Һин яратҡан йондоҙ ҡабынғас,
Йондоҙ нурҙарына талпынғандай,
Йөрәгемдә һайрай һандуғас.
Айырылыу һағыштарын йотоп,
Һине һуштан яҙып һағынғас,
Уфтанма! – тип наҙлап йыуатҡандай,
Йөрәгемдә һайрай һандуғас.
Вконтакте
