Яңғыз инем, таптым һине,
Үҙем дә һиҙмәй ҡалдым.
Даръяларҙан тартып алып,
Уттарға илтеп һалдым.
Яҙмыш ҡынам, хөкөмдәрем,
Алдан уҡ ҡылған икән.
Һөйөүҙәрең миндә түгел,
Яттарҙа булған икән.
Ҡиммәтәйҙән көткән күңел,
Бирелеп татлы хискә.
Хыялдарым була микән
Бары тик үкенескә.
Яҙмыш ҡынам, хөкөмдәрем,
Алдан уҡ ҡылған икән.
Һөйөүҙәрең миндә түгел,
Яттарҙа булған икән.
Билкәйҙәрең талдай зифа,
Туймаҫһың ҡарап һис тә.
Ай башында тыуғанһыңдыр,
Баштарың шундай нескә.
Яҙмыш ҡынам, хөкөмдәрем,
Алдан уҡ ҡылған икән.
Һөйөүҙәрең миндә түгел,
Яттарҙа булған икән.
(Р.Ғимрәни муз., Ш. Биҡҡол һүҙ.)
