Йәшлегем, йәшлек йылдарым,
Ҡайҙа һуң һеҙ, ҡайҙа һеҙ?
Эҙләһәм дә, табалмайым,
Өндәшһәм дә файҙаһыҙ.
Эҙләй-эҙләй йәшлегемде,
Артығыҙҙан йүгерҙем.
Ҡайҙа һуң һеҙ, унһигеҙем,
Унтуғыҙым, егермем?
Онотмайым йәшлегемде
Сәстәргә сал керһә лә.
Ҡайтарығыҙ йәшлегемде
Аҙға ғына булһа ла.
Эҙләй-эҙләй йәшлегемде,
Артығыҙҙан йүгерҙем.
Ҡайҙа һуң һеҙ, унһигеҙем,
Унтуғыҙым, егермем?
Йәшлегем, һис юғында һин
Йышраҡ иҫкә төшһәнә.
Йәшәреп киткәндәй булам
Йәшлек иҫкә төшкәндә.
Эҙләй-эҙләй йәшлегемде,
Артығыҙҙан йүгерҙем.
Ҡайҙа һуң һеҙ, унһигеҙем,
Унтуғыҙым, егермем?
