Һинең өсөн, һөйгәнем, йөрәк түренән ағылған һүҙҙәр,
Хәтерҙән юйылмаҫ инде был наҙлы күҙҙәр.
Был ҡара сәстәрең һәм был татлы ирендәр,
Йөрәккә шатлыҡ тула, әгәр булһаң минең эргәмдә.
Һинһеҙ көндәрем ҡараңғы һымаҡ, һинһеҙ был донъя минең өсөн ямаҡ,
Һине күргәндә йөрәгем елкенә, күкрәгемде йыртып ул сығыр һымаҡ.
Дөрләп, яна ялҡындар, тик һинһеҙ мин һалҡында,
Беҙ бергә булғанда, бәхетле минуттар.
Припев:
Беҙ осабыҙ бергә йыһанда, йыһанда,
Мөхәббәт ялҡынының беҙ усағында,
Һинең менән бергә булғанда, булғанда,
Башҡа бер ни кәрәкмәй был донъяла.
Һинең өсөн, һөйгәнем, йөрәк түренән ағылған һүҙҙәр,
Хәтерҙән юйылмаҫ инде, был наҙлы күҙҙәр.
Был йылы ҡулдарың һәм был наҙлы ҡарашың,
Тәрән тойғоларҙа йөҙәм һәм юғала башым.
Һинеке генә мин булғым килә, ҡосағыңда тойғоларҙа юғалғым килә,
Минең йөрәгемдең һин иң түрендә, һинең менән мин мәңге ҡалғым килә.
Дөрләп яна ялҡындар, тик һинһеҙ мин һалҡында,
Көн һайын осрашыуҙарҙа, бәхетле минуттар.
Беҙ унда!
Припев:
Беҙ осабыҙ бергә йыһанда, йыһанда,
Мөхәббәт ялҡынының беҙ усағында,
Һинең менән бергә булғанда, булғанда,
Башҡа бер ни кәрәкмәй был донъяла !
Вконтакте