Заһир:
Йондоҙҙарға йондоҙ атылғанда,
Осрашҡандар көндәр төн менән.
Был донъяны белгәнемдән алып,
Һинең барлығыңды мин беләм.
Һин ҡайда, мин шунда, Ғәлийәм,
Шатланам, илайым һәм көләм.
Мәхәббәт алдында баш эйәм,
Һин ҡайҙа, мин шунда, Ғәлийәм.
Ғәлийә:
Йондоҙҙарға йондоҙ атылғанда,
Йөрәгемә ҡунды ялҡыны.
Бер ялҡыны донъя балҡытырлыҡ
Һөйөү булғандыр ул, ахыры.
Һин ҡайҙа, мин шунда, Заһирым,
ЙЫрактан эҙләгән яҡыным.
Йөрәктә ҡабынған ялҡыным,
Һин ҡайҙа, мин шунда, Заһирым.
Заһир:
Йондоҙҙарға йондоҙ атылғанда,
Ғүмерҙәре янып юғала.
Ғәлийә
Ә мәхәббәт ғүмерләрҙән оҙон,
Мәңге яна, мәңге йырлана.
Заһир, Ғәлийә бергә:
һин ҡайда, мин шунда, Ғәлийәм, /Заһирым/,
Шатланам, илайым һәм көләм.
Мәхәббәт алдында баш эйәм,
Һин ҡайҙа, мин шунда, Ғәлийәм, /Заһирым/.
Вконтакте