Башкирские народные песни.
Страница 3

Ай, былбылым, вай, былбылым, Ағиҙелдең ҡамышы; Таң алдынан сут-сут килә Һандуғастар тауышы. Ай, былбылым, вай, былбылым, Ағиҙелдә таң ата; Таңдар ата, өҙөлә үҙәк, Йырлата ла илата. Ай, былбылым, вай, былбылым, Ҡунып һайрай талдарға. Һинең хаҡта серҙәремде Асам һандуғастарға.

Ел ерәнем егетемде Еткер ел етмәҫ ергә. Яланда түгел яуҙа ла Гел икәү булдыҡ бергә. Әй, әһә-һә-һәй, әһә-һә-һәй, әһә-һә-һәй. Менгән атым – уң ҡанатым, hин батыр егет күрке, hай! hинең менән елдә елгән Батыр егет – ил күрке. Әй, һә-һәй, әһә-һәй, һә-һәй. Ҡолон саҡтан татыу үҫтек Ирәндек итәгендә. Ил саҡырғас, яуға киттек Йәмле йәй иртәhендә. Әй, әһә-һә-һәй, әһә-һә-һәй, әһә-һә-һәй. Менгән атым – уң ҡанатым, hин батыр егет күрке, hай! hинең менән утка ингән Батыр егет – ил күрке. Әй, һә-һәй, әһә-һәй, һә-һәй. Беҙ ҡайттыҡ икәү иҫән-hау, Яуыз дошманды еңеп. hинең даның, Ирәндек тау, Ерәнсәй менән егет. Әй, әһә-һә-һәй, әһә-һә-һәй, әһә-һә-һәй. Менгән атым – уң ҡанатым, hин батыр егет күрке, hай! hинең менән яуҙа еңгән Батыр егет – ил күрке. Әй, һә-һәй, әһә-һәй, һә-һәй. Заһир Исмәғилев көйө, Нәжиб Иҙелбай һүҙҙәре.

Бар тәбиғәт серләшә айлы төндә, Йугереп уйнай тулҡындар Дим өҫтөндә. Аҡсарлаҡҡа оҡшап, яр ситендә Сайҡалалар кәмәләр. Аҡсарлаҡҡа оҡшап яр ситендә Сайҡалалар кәмәләр. Көр тауышым яңғрата матур йырҙар, Танға ҡалып тыңлай, ай, тын туғайҙар. Башҡа килде ҡайнар, дәртле уйҙар Сайҡалғанда кәмәләр. Башҡа килде ҡайнар, дәртле уйҙар Сайҡалғанда кәмәләр. Елдәр иҫте, hыу өҫтөн hырландырып, Иркәм сәсен тулҡындай тирбәлдереп. Һоҡландылар, ахры, беҙҙе ҡуреп, Сайҡалдылар кәмәләр. Һоҡландылар, ахры, беҙҙе ҡуреп, Сайҡалдылар кәмәләр. Бар тәбиғәт серләшә айлы төндә, Йугереп уйнай тулҡындар Дим өҫтөндә. Аҡсарлаҡҡа оҡшап, яр ситендә Сайҡалалар кәмәләр. Аҡсарлаҡҡа оҡшап яр ситендә Сайҡалалар кәмәләр.

Баштарыма кейгэн тубэтэйзен hикhэн hигез икэн элгэhэ Килгэндэрзэн бирле карап торам - hез икэhез донъя кэзгэhэ. Беззен ил - уйнарб кэлэр ил дэ, Беззен ил - hандуъас hайрар ил. Алма баксаларына, ай, керhэм, Матур кыззыр флма йыялыр Йэззэрезгез якты, hузегез татлы Кунелдэрем hеззе hэйэлер. Беззен ил - уйнарб кэлэр ил дэ, Беззен ил - hандуъас hайрар ил.

Селтәрле лә батмуста сын-сынаяҡ, Әсмәбикәй, Тотма ситтәренән дә, Маһисәрүәр, әй, ыуалыр, Тотма ситтәренән, Маһисәрүәр, әй, ыуалыр. Бәхетһеҙ ҙә булғанда ир-егеткәй, Әсмәбикәй, Сит илдәргә китептәй, Маһисәрүәр, әй, юғалыр, Сит илдәргә китептәй, Маһисәрүәр, әй, юғалыр. Туп-туп ҡына баҫҡандай туратымдың, Әсмәбикә, Туҡ буйҡайҙарында, Маһисәрүәр, әй, төйәге; Туҡ буйҡайҙарында, Маһисәрүәр, әй, төйәге. Уттарҙа ла янмаҫтай, һыуҙа батмаҫ, Әсмәбикә, Батыр егеткәйҙең дә, Маһисәрүәр, әй, һөйәге; Батыр егеткәйҙең дә, Маһисәрүәр, әй, һөйәге.

Ҡурайсылар ҡурай уйнамаҫ, Башҡорт ҡурайҙары булмаһа; Егет тә генә кеше йыр йырламаҫ, Йөрәгендә дәрттәр булмаһа. Әрәмәгә керһәм, үлән һирәк, Сәхрәләргә сыҡһам, ер еләк; Эсемдә генә минең уттар яна, Ник елкенә икән был йөрәк. Арыҫлан да кейек һис ҡайғырмаҫ, Ҡаршыһында бейек тау булһа; Егет тә генә кеше һис ҡайғырмаҫ, Ғәзиз башы уның һау булһа.

1. Һай, йомро матур тояғыңды, Дағаларбыҙ, юрғам. Ҡырас матур ялдарыңды, Уҡаларбыҙ, юрғам. Өҫтөңдәге hылыуыңды Төшөрсәле, юрғам! Һайт, Ҡара юрғам, Тайт, ҡара юрғам! 2. Башыңдағы йүгәнеңде, Көмөшләрбеҙ, юрғам. Ҡара ҡырпыу үңлегеңде, Нағышларбыҙ, юрғам. Өҫтөңдәге һылыуыңды Төшөрсәле, юрғам! Һайт, Ҡара юрғам! Тайт, Ҡара юрғам! 3. Йомро матур тояғыңды, Дағаларбыҙ, юрғам. Ҡырас матур ялдарыңды, Уҡаларбыҙ, юрғам. Өҫтөңдәге hылыуыңды Төшөрсәле, юрғам! Һайт, Ҡара юрғам, Тайт, ҡара юрғам!

Урмандарға керһәң, ағас киҫһәң, Кәкереһен киҫмә, төҙөн кис. Кәкереһен киҫмә, төҙөн кис. Гелән генә бергә булып булмаҫ, Ултырайыҡ әле бөгөн кис. Ултырайыҡ әле бөгөн кис. Урмандарға кереп аптыраным Йәш имәндең бөгөлгәненә. Йәш имәндең бөгөлгәненә. Барса ғына халыҡ хайран ҡалһын Һеҙҙең өсөн өҙөлгәнемә. Һеҙҙең өсөн өҙөлгәнемә. Урмандарға керһәң — һыҙғырып кер, Шауламаған ағас ҡалмаһын. Шауламаған ағас ҡалмаһын. Сит ерҙәрҙә йөрөһәң — яҡшы йөрө, Һоҡланмаған кеше ҡалмаһын! Һоҡланмаған кеше ҡалмаһын!