Башкирские песни.
Страница 53

Инәкәйем, мин алдараҡ китһәм, Ҡайғырма һис минең китгәнгә. Ҡайғырһаң, тик ҡайғыр минең бары Аҡ ҡайынды әсәм иткәндә. Баш осомда минең ултыртһындар Ҡайғыһы аҡ булғаны аҡ ҡайын. Күҙ йәшеңде ҡоймай, минең менән Бер көн килеп һөйләш, яҙ һайын. Мин әйтермен, сабый япраҡ булып, Бер генә һүҙ: "Инәй! - күҙ нурым". Аҡ ҡайынды һыйпап тыңла бер йыр, Аҡ ҡайында - минең күҙ нурым.

Һибәләй ямғыр, иркәләй ямғыр, Тамсыларҙы тотоп бейей, Туҡталмай яуа, ер битен йыуа, Ә елдәр ниҙер көйләй. Тирә яҡ сафлы, тирә яҡ паҡлы. Ямғырҙар яуһын, юлдарын күмһен, Янған йөрәк бер аҙ баҫылһын. Юйылһын барҙа юғалһын зарҙар, Ямғырҙарҙа бәхет табылһын. Мин юлда барам, рулемде борам Ямғырҙың йырын тыңлап, Куҙҙәрем юлда, күңелем моңда Ҡылдарҙай ала сыңлап. Аралар йыраҡ, барабыҙ урап. Ямғырҙар яуһын, юлдарын күмһен, Янған йөрәк бер аҙ баҫылһын, Юйылһын барҙа юғалһын зарҙар Ямғырҙарҙа бәхет табылһын. Һибәләй ямғыр, иркәләй ямғыр, Тамсыларҙы тотоп бейей, Туҡталмай яуа, ер битен йыуа, Ә елдәр ниҙер көйләй.

Йәшлегемә ҡайтып барам, Мөхәббәтем янына. Хыялымдың зәңгәренә, Уйҙарымдың алына. Мөхәббәтем янына. Ул оҙатып ҡалған ине Оло юлдың сатында . Уттар яна, туптар шартлай Ине шәфәҡ артында. Оло юлдың сатында... Хушлашҡанда башын эйҙе Аҡ күлдәкле ҡайындар. Мөхәббәтем менән бергә Аҡ юл теләп ҡалдылар. Аҡ күлдәкле ҡайындар... Рәхмәт һиңә, мөхәббәтем, Үлемдәрҙән һаҡланың. Үлемдәрҙән һаҡланың да, Тик үҙеңде тапманым. Тик үҙеңде тапманым... Юл буйында ҡаршыланы Аҡ күлдәкле ҡайындар. Аҡ күлдәкле ҡайындарҙа Ҡара шәлле ҡайғы бар. Аҡ күлдәкле ҡайыдар...

Күргәнем юк ине илеңде, Ишеттем бер һинең көйөңдө. Ул көй матур ине, моңло көй. “Мурмурки надек мурмурки”. А-а-а, мурмурки надек мурмурки. Барҙым һинең торған илеңә, Керҙем һинең торған өйөңә; Бик ҡунаҡсыл икән һеҙҙең өй — Мурмурки надек мурмурки. А-а-а, мурмурки надек мурмурки. Һин йырланың тағы өҙҙөрөп, Оҡшаш икән тинем беҙҙең көй. Бер-береһенә йырҙар оҡшағас, Мурмурки надек мурмурки. А-а-а, мурмурки надек мурмурки. Яратамын һинең күҙҙәрҙе. (Р. Хәсәнов муз., Н. Нәжми һүҙ. 1962)

1.Был осрашыу - мөхәббәт, Күңелдә шундай рәхәт, Яратыу татлы икән, Һине бәхетле итәм. Осрашмаҫтай юлдарҙы Йөрәк барыбер таба, Шул саҡ һөйөү уяна, яна. Припев: Яндыраһың йөрәгемде, Һинең менән мин бәхетле, Яратамын өҙөлөп яратамын, Йәнем. 2. Һине ҡосағыма алам, Мәңгелек йәрең булам, Шатлығым һин, күҙ нурым, Берҙән - берем, матурым. Осрашмаҫтай юлдарҙы Йөрәк барыбер таба, Шул саҡ һөйөү уяна, яна. 3. Мөхәббәтле был донъяла һәр бер Йәнгә Була үҙ йәре, Онотолоп яратыр өсөн, Һәм ғүмер буйы Яндыра йөрәген.

Ҡушымта: Республикала уртаса түләү хаҡы ун ете мең Тип әйткәнен президентыбыҙҙан ишетеп Мин барҙым банкоматҡа күпме күскән был айҙа? Ҡыҙғанысҡа ҡаршы тик ете мең 1) Мин ябай башҡорт егете егерме бишенсем китте Сибай Пед. Колледжын бөттөм. Өфөгә киттем һәм Килеп сыҡмаҫ минән композитор тип кире ҡайттым Эшкә төштөм, кәләш алдым, Сибайҙа ҡалдым Әле йәшәп ятҡан булабыҙ аллаға шөкөр Ашап-эсеүгә аҡса етә күңел көр Ләкин шунан ары китә алмай бюджет Ә БСТнан бөгөн аптыратты президент 2) Әллә минең генә ете микән тип аптырап Дүҫтарымдан һорарға булдым, күҙҙәренә ҡарап Беҙҙеңдә шулайыраҡ сыға тинеләр улар Был ни тағы? Эһе-һей! Башҡорттар! Бәлки ысында шул уртасаға инмәҫкә тейешбеҙ Беҙ бит әле йәш, квалификация юҡ, стаж әҙ Тик ниңәлер минең әсәй ҙә ун ете алмай Ул егерме ете йыл уҡыта һаулығын аямай! Ай-ай-ай