Популярные башкирские песни.
Страница 63

1. Толпар Аҡбуҙат – пар ҡанатлы ат, Осоп кил яныма, баҫ hин ҡаршыма. Мине алып бар Ҡафтау артына, Алтын hарайҙағы Һылыу янына. Припев: Диңгеҙҙәр hәм тауҙар аша, йылғалар hәм йылдар аша Алып бар, дуҫҡай, hин мине йәшлек саҡтарға. Һин бит, дуҫым, Аҡбуҙатым – көмөш тояҡ, алтын ялым, Мин дә hиңә ҡул hуҙармын ауыр саҡтарҙа. 2. Өндәште шул саҡ миңә Аҡбуҙат: Елем бүләк итте, иңемә ҡанат. Мин hәр саҡ әҙер, ҡояшҡа ҡәҙәр Алып барып етәм, hин ҡушhаң әгәр. Припев: Юҡ, кәрәкмәй, Аҡбуҙатым - көмөш тояҡ, алтын ялым, Алып барма йондоҙҙарға, Ай, болоттарға. Диңгеҙҙәр hәм тауҙар аша, йылғалар hәм йылдар аша Алып бар, дуҫкай, hин мине йәшлек саҡтарға. 3. Толпар Аҡбуҙат – пар ҡанатлы ат, Осоп кил яныма, баҫ hин ҡаршыма. Мине алып бар Ҡафтау артына, Алтын hарайҙағы Һылыу янына. Припев: Диңгеҙҙәр hәм тауҙар аша, йылғалар hәм йылдар аша Алып бар, дуҫҡай, hин мине йәшлек саҡтарға. Һин бит, дуҫым, Аҡбуҙатым – көмөш тояҡ, алтын ялым, Мин дә hиңә ҡул hуҙармын ауыр саҡтарҙа.

Күргәнем юк ине илеңде, Ишеттем бер һинең көйөңдө. Ул көй матур ине, моңло көй. “Мурмурки надек мурмурки”. А-а-а, мурмурки надек мурмурки. Барҙым һинең торған илеңә, Керҙем һинең торған өйөңә; Бик ҡунаҡсыл икән һеҙҙең өй — Мурмурки надек мурмурки. А-а-а, мурмурки надек мурмурки. Һин йырланың тағы өҙҙөрөп, Оҡшаш икән тинем беҙҙең көй. Бер-береһенә йырҙар оҡшағас, Мурмурки надек мурмурки. А-а-а, мурмурки надек мурмурки. Яратамын һинең күҙҙәрҙе. (Р. Хәсәнов муз., Н. Нәжми һүҙ. 1962)

Һин күрһен тип тау башына усаҡ ҡабыҙҙым. Кил йылыға, йылҡынма, үлеп һағындым. Усаҡ һүнеү менән минең һөйөү һүнмәне, Бөгөн тағын усағымды әллә күрмәнең, Усаҡ һүнеү менән минең һөйөү һүнмәне, Тағын килмәнең. Усағымда һуңғы ҡуҙҙар ҡалһа ла һүнеп, Өмөтләнеп күҙем алмай ҡалам мин көтөп. Усаҡ һүнеү менән минең һөйөү һүнмәне, Бөгөн тағын усағымды әллә күрмәнең, Усаҡ һүнеү менән минең һөйөү һүнмәне, Тағын килмәнең. Усаҡ һүнеү менән минең һөйөү һүнмәне, Бөгөн тағын усағымды әллә күрмәнең, Усаҡ һүнеү менән минең һөйөү һүнмәне, Тағын килмәнең.

Күҙ алмай торған булам тәҙрә уттарына ҡарап, Һине күреп тынһыҙ ҡалам, булды бит йөрәгем харап. Бына һүнде тәҙрә уты, яңғыҙ ҡалдым ҡараңғыла. Ләкин яна йөрәк уты, һүнмәй бара өмөт ҡала. Припев: Ниңә, аңламайым, ҡасаһың? Әллә миңә ышанмайһың? Хаттарыма яуап яҙмайһың? Әллә инде мине оноттоң? (2 раза) Нимә кәрәк эре ҡыҙҙан һинең кеүек ашҡан йөҙҙән? Дуҫтарым мине аңламай, аңлай тик төнгө тулы ай. Мине күреп тәҙрә төбөндә шым ғына илай ямғыр. Күрмәҫһең мине бөгөн дә, иртән күрерһең барыбер. Припев: Ниңә, аңламайым, ҡасаһың? Әллә миңә ышанмайһың? Хаттарыма яуап яҙмайһың? Әллә инде мине оноттоң? (2 раза) Эх, һине ҡосағыма алып йылынырға ине. Сәстәреңдән һыйпап, йылмайыуыңа, Матурлығыңа һоҡланып, бергә булырға ине. Ләкин ниңәлер, бәғрем, һин мине аңламайһың. Припев Ниңә, аңламайым, ҡасаһың? Әллә миңә ышанмайһың? Хаттарыма яуап яҙмайһың? Әллә инде мине оноттоң? (2 раза)

Төнө буйы сәсрәп яуҙы йондоҙ. Сыңлап торған тауыш арбаны. Ғәфү үтенәмен һинән, йәрем, Осрашыуға бөгөн барманым. Бөгөн тағын ураҡлаған был ай, Уф, йөрәгем меңгә турала. Ниңә килмәүемдең сәбәптәре - Ҡарыша бит миңә был йөрәк ( х2 ) Сыңлап торған сынйырҙарға сормап Ебәрмәне мине Етегән. Яңы ғына тыуған нурлы айға Ғашиҡ булырымды кем белгән. Хыянатым өсөн кисер, йәрем, Ләкин хистәр минән көслөрәк. Ниңә килмәүемдең сәбәптәре - Ҡарыша бит миңә был йөрәк ( х2 )

Ҡалдыр мине яңғыҙ, туғанҡайым минең, Мин һинең мөхәббәтеңдән арыным. Әйткән һүҙҙәреңә бер ҙә ышанмайым, Бәлки мин үҙем һине яратмайым. Көтмә көнөн шылтыратыуҙы минең Мин бит һинең урамыңды оноттом. Эҙләмә осрашыуҙы минең менән, Таныш һуҡмаҡтарҙы бөтөнләй юғалттым. Припев: Ҡаршыма сыҡма, миңә һөйөүең кәрәкмәй. Ҡушма һүҙеңде, барыбер ҡарашым үҙгәрмәй. Һөйләмә әхирәтеңә үҙ сереңде, Ул һинең һүҙҙәреңде тыңлап ҡайғырмаҫ. Илама рәнйетеп нескә күңелеңде, Ул бит минең һөйөклөм, һине ул тыңламаҫ. Припев: Ҡаршыма сыҡма, миңә һөйөүең кәрәкмәй. Ҡушма һүҙеңде, барыбер ҡарашым үҙгәрмәй. (3 раза)

Мине көтһәң төнөн-көнөн, Йоҡолары тартып алһам, Ғәфү итсе мине, ҡабат Яндарыңа ҡайта алмам. Припев Күҙең талһа юлға ҡарап, Керпектәрең хәлһеҙ төшһә. Ғәфү итсе үткәндәрен Булыр бары төштә генә (х2) Иреңдәрең исемемде Ҡабат-ҡабат әйтеп талһа, Ғәфү итсе, боролалмам Тағы килеп һинең янға. Припев Күҙең талһа юлға ҡарап, Керпектәрең хәлһеҙ төшһә Ғәфү итсе, үткәндәрен Булыр бары төштә генә (х3)

Припев: Һиңә тулды 16 йәш, һинең йөҙҙәрең нур-ҡояш, Күңелеңдә һөйөү хисе, бәғерем. Ә мин тышта һине көтәм, сығалмағаныңды беләм, Иртән килермен мин тағын, илама, мөхәббәтем. Әхирәттәрең ҙурайҙы, яҡын дуҫтарың һөйләшмәй. Һине атай менән әсәй кистәрен өйҙән ебәрмәй. Классташтарың һиндән көлә, һине бала тип һанайҙар. Атай-әсәй һине әрләй, һинең хәлде аңламайҙар. Припев: Һиңә тулды 16 йәш, һинең йөҙҙәрең нур-ҡояш, Күңелеңдә һөйөү хисе, бәғерем. Ә мин тышта һине көтәм, сығалмағаныңды беләм, Иртән килермен мин тағын, илама, мөхәббәтем. Әхирәттәрең ҙурайҙы, яҡын дуҫтарың һөйләшмәй. Һине атай менән әсәй кистәрен өйҙән ебәрмәй. Ә мин тышта һине көтәм, сыҡманың яныма тағын, Һинән башҡа ғашиҡ булмам, кәрәкмәй бүтән ҡыҙ-ҡырҡын. Припев: Һиңә тулды 16 йәш, һинең йөҙҙәрең нур-ҡояш, Күңелеңдә һөйөү хисе, бәғерем. Ә мин тышта һине көтәм, сығалмағаныңды беләм, Иртән килермен мин тағын, илама, мөхәббәтем. (2 раза)

Илама, сеү, тағы бер төн арабыҙҙа ҡалды әллә, Тағы бер ҡалҡ, мин әйтермен: һин минеке генә әллә. Илама, сеү, шулай булды инде: Һуңға ҡалып осрашыуҙы яҙмыш үҙе әҙерләгән Шулай илап хушлашыуҙы Ҡайҙа булдың быға тиклем? Һине һуңлап ҡына тапҡас Мөхәббәтең артынан мин ишегемде ныҡлап япҡас. Күҙҙәребеҙ күҙгә ҡарар, Тағы бер ҡат һуңғы тапҡыр, Йәш тәғәрәр, ә иртәгә юлдарыбыҙ айырылыр (2 раза) Илама, сеү, тағы бер төн арабыҙҙа ҡалды әллә, Тағы бер ҡалҡ, мин әйтермен: һин минеке генә әллә. Күҙҙәребеҙ күҙгә ҡарар, Тағы бер ҡат һуңғы тапҡыр, Йәш тәғәрәр, ә иртәгә юлдарыбыҙ айырылыр (2 раза)

1.Торналарҙы оҙатып ҡалдым Аҡ ҡайынға hөйәлеп. Тағын бер йәй үтеп бара Торналарға эйәреп. Торналарым китеп бара Кейек ҡаҙ юлы менән, Йәшлегемде оҙатып ҡалам Торналар йыры менән. Припев: Торналар, торналар! Китмәгеҙ, боролоғоҙ. Йәйҙәрҙе алып китмәгеҙ, Йәшлекте ҡалдырығыҙ. (2 раза) 2.Торналарым оса ҡағынып, Йылдар ҡанат ҡаҡмайынса. Көҙ еткәнгә ышанманым Торналар оҙатмайса. Припев: Торналар, торналар! Китмәгеҙ, боролоғоҙ. Йәйҙәрҙе алып китмәгеҙ, Йәшлекте ҡалдырығыҙ. (2 раза) 3.Торналарҙы оҙатып ҡалдым Аҡ ҡайынға hөйәлеп. Тағын бер йәй үтеп бара Торналарға эйәреп. Припев: Торналар, торналар! Китмәгеҙ, боролоғоҙ. Йәйҙәрҙе алып китмәгеҙ, Йәшлекте ҡалдырығыҙ. (2 раза)

Аптырама ни булған тип Бер илаһам бер көлһәм Йылы һүҙҙәр әйтеп йыуат Күңелһеҙ мин йөрөһәм Асыуланма киреләнеп Ағымға ҡаршы йөҙһәм Ҡулдарымды ал ҡулыңа Борсолғанымды һиҙһәң Көйһөҙләнһәм иркәләнеп Эй йәнем шуны белһәң Яраттым бит ғүмерлеккә Ебәрмә китәм тиһәң Яңғыҙымды ҡалдырма һин Күҙ ҡарашымдай күрһәң Үтеп китәр көйһөҙлөгөм Ҡосаҡҡа алып һөйһәм

Атай гармун уйнағанда Йырлап торҙом янында Шул ваҡыттан сәхнә ине Тик минең хыялымда ҠУШЫМТА: Йырҙарымды йырлайым Хыялымды оноттом Хәҙер инде хыял түгел Сәхнә бит минең йортом Илһам килһә шиғыр тыуа Аҙағынан көй һалам Йырҙарым тик халҡым өсөн Һеҙгә мин тоғро ҡалам Сәхнә бит ул үҙе бәхет Төшәһе килмәй бер ҙә Әйҙә йырла ла күңел ас Шат йылмай һин ғүмергә

Бәпес ҡайтты, бәпес ҡайтты, Өйөбөҙҙә ҡояш ҡалҡты: Аҡ биләүҙә серле йомаҡ, Илауы ла моңло һымаҡ. Бәпес ҡайтты, бәпес ҡайтты, Мәшәҡәт һәм шатлыҡ артты. Башлана бер яңы ғүмер. Ниҙәр белер, ниҙәр күрер?! Бәпес ҡайтты, бәпес ҡайтты, Үтер юлы булһын яҡты. Тыуған өйгә, тыуған ергә Хужа булып бәпес ҡайтты. Бәпес ҡайтты, бәпес ҡайтты, Мәшәҡәт һәм шатлыҡ артты. Башлана бер яңы ғүмер. Ниҙәр белер, ниҙәр күрер?! (Г.Юнысова һүҙ.)

Кемдең генә тейҙе күҙе, Әллә яман дошман һүҙе, Нурһыҙланды нурлы ҡарашың. Һалҡын боҙҙай осло һүҙҙәр Йөрәгемде йәлләмәйҙәр. Тигеҙ һуҡмағыбыҙ-аҙашты. Припев: Юғалма минең яҙмышымдан. Беҙҙең юлдар бергә ҡушылған. Үкенеп иларлыҡ булмаһын. Ашыҡмасы, йәнем, зинһар уйлан. Ниндәй әсе елдәр иҫте Өшөттөрөп күңелеңде. Зәһәр елдән һаҡлай алманым. Тик бул йәнем, үҙең көслө. Тормош бит ул шулай үсле. Парлы ҡанаттарың һынмаһын. Припев: Юғалма минең яҙмышымдан. Беҙҙең юлдар бергә ҡушылған. Үкенеп иларлыҡ булмаһын. Ашыҡмасы, йәнем, зинһар уйлан. Иләҫ-миләҫ елдәр иҫһә, Ят йөрәктән йылы килһә, Хәтерлә һин әйткән һүҙемде. Устарыңда минең йөрәк, Мәңгелеккә булам терәк, Ташлап китмә мине үҙемде. Припев: Юғалма минең яҙмышымдан. Беҙҙең юлдар бергә ҡушылған. Үкенеп иларлыҡ булмаһын. Ашыҡмасы, йәнем, зинһар уйлан.

1.Был осрашыу - мөхәббәт, Күңелдә шундай рәхәт, Яратыу татлы икән, Һине бәхетле итәм. Осрашмаҫтай юлдарҙы Йөрәк барыбер таба, Шул саҡ һөйөү уяна, яна. Припев: Яндыраһың йөрәгемде, Һинең менән мин бәхетле, Яратамын өҙөлөп яратамын, Йәнем. 2. Һине ҡосағыма алам, Мәңгелек йәрең булам, Шатлығым һин, күҙ нурым, Берҙән - берем, матурым. Осрашмаҫтай юлдарҙы Йөрәк барыбер таба, Шул саҡ һөйөү уяна, яна. 3. Мөхәббәтле был донъяла һәр бер Йәнгә Була үҙ йәре, Онотолоп яратыр өсөн, Һәм ғүмер буйы Яндыра йөрәген.